Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 9.19.3 | Hdt. 9.21.3 (English) | >>Hdt. 9.23.1 |
9.21.1
κατὰ συντυχίην δὲ Μεγαρέες ἔτυχον ταχθέντες τῇ τε ἐπιμαχώτατον ἦν τοῦ χωρίου παντός , καὶ πρόσοδος μάλιστα ταύτῃ ἐγίνετο τῇ ἵππῳ . προσβαλλούσης ὦν τῆς ἵππου οἱ Μεγαρέες πιεζόμενοι ἔπεμπον ἐπὶ τοὺς στρατηγοὺς τῶν Ἑλλήνων κήρυκα , ἀπικόμενος δὲ ὁ κῆρυξ πρὸς αὐτοὺς ἔλεγε τάδε ·
9.21.2 “Μεγαρέες λέγουσι · ἡμεῖς , ἄνδρες σύμμαχοι , οὐ δυνατοί εἰμεν τὴν Περσέων ἵππον δέκεσθαι μοῦνοι , ἔχοντες στάσιν ταύτην ἐς τὴν ἔστημεν ἀρχήν · ἀλλὰ καὶ ἐς τόδε λιπαρίῃ τε καὶ ἀρετῇ ἀντέχομεν καίπερ πιεζόμενοι . νῦν τε εἰ μή τινας ἄλλους πέμψετε διαδόχους τῆς τάξιος , ἴστε ἡμέας ἐκλείψοντας τὴν τάξιν .”
9.21.3 ὁ μὲν δή σφι ταῦτα ἀπήγγελλε , Παυσανίης δὲ ἀποπειρᾶτο τῶν Ἑλλήνων εἴ τινες ἐθέλοιεν ἄλλοι ἐθελονταὶ ἰέναι τε ἐς τὸν χῶρον τοῦτον καὶ τάσσεσθαι διάδοχοι Μεγαρεῦσι . οὐ βουλομένων δὲ τῶν ἄλλων Ἀθηναῖοι ὑπεδέξαντο καὶ Ἀθηναίων οἱ τριηκόσιοι λογάδες , τῶν ἐλοχήγεε Ὀλυμπιόδωρος ὁ Λάμπωνος .
ch. 22
9.22.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 9.19.3 | Hdt. 9.21.3 (English) | >>Hdt. 9.23.1 |